Unsiyyat …. (Urdu Language)

 

Bachpan se ab tak, hum hazaroan logoan se miltey hain, nayi nayi jagahoan pe jatay hain.

Kabhi nayi job, kabhi naye dostoan ke ghar, nit nayii jagahoan ko un doastoan ke sath try karte hain. Aesi “memories”  mien se kuch hamesha hamare dimagh pe teher jati hain or kuch ko humien talkh samjh ke apni soch se farigh karna parta hai. 

Lekan jo yadien khoobsurti ke saath hum bar bat yad karte hain, kabhi socha hai ke aesa kia hai jo un ko hamare liye ehm or yadgaar banata hai..? 

Kia wo khana jo hum mazay le le ke khatay hain, ye wo jagah jo humien apne decor se lutf andoz karti hai, ya wo log jin ke sath hum hansi mazak karte hain. 

mere khiyal mien wo log hy hain jin ka saath hum andar se taro taza kardeta hai, or un logoan mien se bhi koi ek aesa dost hota hai, jis ka sath paa kar hum sab se ziada khush hotey hain… 

Mere sath bhi kuch aesa hua. 

Ek nayi jagah, ek naya mahol, tarha tarha ka log, or unke khiyalat ko samjhana asaan nahi hota.. lekan agar in sab ko experience karne ke liye apko ek aese dost ka sath mil jaye jo apke sath gappien bhi marey, chutkuley bhi chorey aur apka raazdan bhi ho, toh nayi jagah bhi jald hy apni hojati hai, kyunke wo dost ussey apke liye apna sa bana deta hai…

wo dost  mujhse mukhtalif buhat hai. na khanay ke shauq miltey hain, na mauseeqi ke, na adaat ek jesi or na harkaat…. lekan shayad ye farq hy to hai jisne hamari dosti ko ye aala muqaam diya hai.

Aksar, hum bat nahi kar patey.. kam ki ziyadati ki waja se, ya apas ki choti choti laraiyon ki waja se… lekan mien janti hun… dil se hum dost hain.. kyunke agar hum ek dusre ki bat bagher kahay samjh jayen to yaqeenan issey dosti hy kahenge haina? 

Aur toh aur, agar bat na karien toh fikar bhi hojati hai ke akhir bat kyun nahi ki, or direct pochne ke bajaye, koi mazak chair ke ya tease kar ke poochliya jata hai ke han bhaee dimagh set hai ya nahi..

asal dosti ki khoobsurti hy yehi hai, ke seedha sawal karne ke bajaye terhe merhe sawaloan se dimaghi halat ka andaza hojata hai..

jo bhi hai, mien yeh sochti hun, ke agar ye dost na hota toh kia mere liye ye nayi jagah itni hy enjoyable hoti jtni ke ab, ya kia mera waqt itney hy achey se guzarta ya wo din jab mien hud darja depressed hoti hun, kia wo itni asani se thek hojatey agar wo na hota? 

Hargiz nahi… bilkul bhi nahi…

Wo hai toh khushi hai.. bas dar lagta hai ke kahin ye sab achanak se khatam na hojaye,,… 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s